Já góðan og blessaðann

 

Nú erum við settið farin að telja niður, það er þá daga sem við erum með illa yfirbókaða hér á telinu og reiknast okkur til að þess ljúki um miðjan ágúst. Þannig að við erum að tala um c.a 3 vikur til viðbótar í stanlausu fjöri eða þannig. Það er nú svo að telið okkar er staðsett á einum fegursta stað landsins og mjög vel í sveit sett fyrir þá er leggja leið sína um suðurströndina og austur að Höfn. Sem sagt við þjóðveg EITT og í alfararleið þar erum við. Við hér á Klaustri gefum út bækling með upplýsingum um allt það helsta sem hér er að sjá og skoða á okkar svæði og rennur hann út eins og heitar lummur. Sá "græni" en bæklingurinn er grænn að lit er með mynd af Systrafossi á forsíðu og er stundum erfitt að útskýra fyrir erlendum gestum okkar hvar fossinn er, því það er jú svo að stundum er skrúfað fyrir vatnsrennslið og það er bara engill foss. Þeir eru þá búnir að skella sér í gönguferð í leit að fossinum og ekki fundið, koma til baka og skilja hvorki upp né niður í þessu. En hér er bara flottast á góðum degi, eins og nánast allir dagar í júlí hafa verið. Orkan frá jöklinum - það er það sem heldur okkur gangandi hér.

Hasta pronto

 

Athugasemdir

[Heiða (IP-tala skráð) 23.7.2008 kl. 18:07]

Orkan á Klaustri já,,, hún er ótrúlega góð og ekki annað hægt en að láta sér líða vel þar  Takk kærlega fyrir síðast, hefði gjarnan viljað stoppa lengur - leið svo ósköp vel.

Var að komast að því að systir mín þekkir þig og pabba þinn. Þarf að bjalla í þig við tækifæri og útskýra það

Hugsa oft til ykkar þarna fyrir austan

Knús

Heiða